ग्रामीण भारतातील महिलांसाठी चालवली जाणारी पहिली महिला सहकारी बँक.

'महिलांचा आर्थिक विकास हाच माणदेशी महिला बँकेचा ध्यास.' आम्ही केवळ बँकिंग सुविधा पुरवत नसून महिलांना आर्थिकदृष्ट्या आत्मविश्वासु व स्वावलंबी बनण्यास मदत करून त्यांच्या सबलिकरणासाठी वाहून घेतलेला समूह बनवीत आहोत.

लाखो महिला सूक्ष्म उद्योजिकांना यशस्वीरित्या आपला व्यवसाय वाढविता यावा आणि आपल्या कुटुंबात व समाजात त्यांना मान मिळावा या दृष्टीने पोषक वातावरण निर्माण करणे हे आमचे ध्येय आहे.

माणदेशी च्या सहकार्याने मालमत्ता उभी करणे

आमचे सहकार्य

महिला उद्योजकांच्या गरजेनुसार तयार केलेली बँकींग उत्पादने व सेवा ग्रामीण महिलांना सहज उपलब्ध करुन देणे एवढेच आमचे उद्दीष्ट नसून, त्यांना संपन्नतेकडे घेऊन जाणारी एक परस्परसंबंधी यंत्रणा विकसित करण्याचा देखील उद्देश आहे.

घरपोच बँकिंग


लहान कर्जे उपलब्ध करुन देणे, हप्ते जमा करणे, तसेच बचत खात्यांमध्ये भरण्याच्या रकमा जमा करणे यांसाठी आम्ही आमच्या ग्राहकांना दररोज / आठवड्यातून एकदा जाऊन भेटतो.

तुमच्यासाठी आखलेली उत्पादने


ग्रामीण महिलांच्या रोख रकमेबाबतच्या विशिष्ट गरजांच्या मुलभूत समजांचा आधार घेऊन आम्ही आमची उत्पादने बनवून घेतो.

गोपनीयता


ग्राहकांच्या खात्यावरील माहितीची गोपनीयता राखली जाते, अशी माही संबंधित खातेदारांव्यातिरिक्त इतर कोणालाही दिली जात नाही.

ग्राहक हेच सभासद


आमच्या दृष्टीने, पैसे उपलब्ध करुन देणे पुरेसे नाही. आम्ही महिलांना त्यांच्या स्वतःच्या अर्थकारणावर नियंत्रण मिळवण्यास मदत करतो. आमचे आर्थिक आणि डिजिटल साक्षरता कार्यक्रम अगदी हेच लक्षात घेऊन आखण्यात आले आहेत; महिलांचे आर्थिक नियंत्रण आणि गोपनीयता वाढविणे.

तारणाशिवाय कर्जे


एखाद्या कर्जाची मागणी करताना महिलांकडे तारण असण्याची आवश्यकता नाही. त्या जामीनदार म्हणून इतर ४-५ महिलांसोबत एक गट बनवून एकत्रित कर्ज घेऊ शकतात.

ग्राहक सेवा


आमचे कर्मचारी हे आम्ही सेवा देत असलेल्या समूहामधूनच आलेले असतात. यामुळे आमच्या ग्राहकांना अधिक चांगल्या प्रकारे समजून घेण्यात व त्यांच्या प्रत्येक गरजेचे समाधान करण्यात आम्हाला मदत होते.

कमी वाचाअधिक वाचा

महिलांनी महिलांसाठी बनविलेली
महिला बँक

माणदेशी महिला सहकारी बँक महिला उद्योजकांना वेळेवर, परवडण्यायोग्य आणि व्यवसाय अनुकूल क्रेडिट मिळवून देण्यास समर्पित आहे. आमची उत्पादने जे स्त्रियांच्या सूक्ष्म व्यवसाय आणि विशिष्ट परिस्थतींच्या आमच्या मूलभूत गरजा समजून घेतात.


खाते


ठेवी


कर्जे


विमा


पेंशन

आमच्या सेवांमुळे बँकेचे व्यवहार सोपे होतात

एस.एम.एस. बँकींग सेवा

प्रत्यक्ष घरपोच बँकींग सेवा

ऑनलाईन पैसे हस्तांतरण

कोणत्याही शाखेतून बँकींग व्यवहार

चेक क्लिअरिंग सेवा

सुरक्षित डिपॉझिट लॉकर

ए.टी.एम. मशिन्स

रु-पे डेबिट कार्ड

आधार पेमेंट सेवा

मोबाईल बँकींग

अधिक वाचा

ग्रामीण महिलांसाठी व्यावसायिक प्रशाला


आपला व्यवसाय उभा करण्यासाठी व वाढवण्यासाठी सहाय्यभूत ठरतील अशी व्यावहारिक व तांत्रिक उद्योजकीय कौशल्ये आत्मसात करण्यासाठी महिलांना आर्थिक व व्यावसायिक प्रशिक्षण देणाऱ्या २० व्यावसायिक प्रशाला माणदेशी फाउंडेशनमार्फत चालवल्या जातात.

डिजिटल साक्षरता बस


रोख-विरहीत व्यवहारांचा फायदा कसा करुन घ्यायचा व आपले आर्थिक नियंत्रण आणि गोपनीयता कशी वाढवायची हे महिलांना शिकविण्यासाठी आमची डिजिटल साक्षरता बस स्थानिक ग्रामीण साप्ताहिक बाजारांना भेट देते.

समूहासाठी कार्यक्रम


आमच्या ग्रामीण महिला सूक्ष्म उद्योजकांना त्यांची उद्दीष्टे साध्य करण्यात कशी मदत करावी हे अधिक चांगल्या प्रकारे समजून घेण्यासाठी आम्ही दर महिन्याला ग्रामीण बाजारात आणि आमच्या कार्यालयांत समूह बैठकांचे आयोजन करतो.

अधिक समावेशक बँकींगसाठी पाठपुरावा


महिलांसाठी आणखी समावेशक वित्तपुरवठ्यासाठी आम्ही नियमितपणे पाठपुरावा करीत असतो. आर्थिक वर्तुळात व आर.बी.आय. सोबत नियमितपणे संपर्कात राहून आम्ही घेतलेले धडे व अनुभव त्यांना कळवतो, तसेच अधिक उपयोगी धोरणे आणि उत्पादने सुचवतो. शून्य शिल्लक खात्यांना मुख्य प्रवाहात आणणे तसेच तारणाशिवाय कर्जांवरील मर्यादा वाढवणे अशा कित्येक यशस्वी प्रयत्नांमध्ये आम्ही आघाडीवर राहिलेलो आहोत.

कमी वाचाअधिक वाचा

महिला उद्योजकांना बँकींगच्या पलीकडे जाऊन मदत करण्यासाठी माणदेशी फाउंडेशन माणदेशी महिला सहकारी बँक सोबत काम करते.


वेबसाईटला भेट द्या

परिवर्तनाच्या कथा

आमच्या ग्राहकांच्या कथा वाचा

वनिता

चहा स्टॉलची मालक

वनिता आणि तिच्या कुटुंबाच्या मालकीचा एक छोटासा चहा स्टॉल बाजारात होता. तिच्या कुटुंबासाठी आणि तिच्या तीन मुलींसाठी हा एकमेव उत्पन्न स्रोत होता. तिचा नवरा दारुडा होता आणि तिला चौथी मुलगी झाली तेव्हा त्याने गळफास लावून घेतला. तिच्या नवऱ्याचा आधार नाहीसा झाला तरी आपल्या मुलींचा आधार बनण्याचा तिने निश्चय केला. तिने मोडकळीस आलेल्या चहाच्या स्टॉलचा ताबा घेतला आणि आपल्या व्यवसायास आवश्यक असणाऱ्या पैशाच्या पुरवठ्यासाठी तिने संपर्क केला. माणदेशी महिला सहकारी बँक तिला कर्जाचा प्रस्ताव तयार करण्यात मदत केली आणि तिला निधी पुरवला. आता तिने आपली विक्री दिवसाला ४० कपांवरुन ७० कपांपर्यंत वाढवली आहे. तिचे मासिक उत्पन्न रु. ३,५०० वरुन रु. ९,५०० पर्यंत वाढले आहे. आता एक वडा-पावचा स्टॉल सुरु करण्याचे तिचे नियोजन आहे.

वैशाली

मिरची विक्रेता

साप्ताहिक बाजारात भाजी विकणाऱ्या माझ्या एका मैत्रिणीकडून मला माणदेशी महिला सहकारी बँकेच्या कॅश क्रेडीट सुविधेची माहिती मिळाली. मी स्वतः माहिती शोधली तेव्हा लक्षात आले की कडधान्ये विकून पैसे कमावता येतील. पाच वर्षांपूर्वी मी पहिल्यांदा ₹ २०,००० इतके कर्ज घेतले. तेव्हापासून मी ₹ ४ लाख इतकी रक्कम कर्जाऊ घेतली आहे आणि त्याची परतफेड केली आहे. मी सुरुवातीला गोंधवळ्याच्या बाजारात कडधान्ये विकण्यापासून सुरुवात केली आणि सध्या मी आणखी सहा साप्ताहिक बाजारांमध्ये विक्री करते.

सविता

शेतमालक

सविताने शेतमजूर म्हणून सुरुवात केली. औपचारिक शिक्षण घेतलेले नसूनही, माणदेशी महिला सहकारी बँकेच्या प्राप्त झालेल्या लक्षणीय कर्जाच्या मदतीने जमीन खरेदी करणे तिला शक्य झाले. ती आपल्या शेतावर शेळ्या आणि कोंबड्या पाळते. हंगामानुसार विक्री करण्याची फुले आणि भाजीपाला दोन्ही पिकवणारी एकाहून जास्त हरितगृहेदेखील ती चालवते. औपचारिक शिक्षण घेतलेले नसूनही सविताकडे आपले आर्थिक व्यवहार सांभाळण्याची एक नैसर्गिक क्षमता आहे. आपल्या पतीसोबत ती या मोठ्या शेताचे कामकाज चालवते आणि त्याच्या वाढत्या यशाबद्दल तिला अभिमान वाटतो.

बातम्यां मधे

सर्व पहा

आम्हास भेट द्या

आम्ही म्हसवड, सातारा, पुणे, गोंदवले, वदुज, दहिवडी, लोणंद आणि नवी मुंबई येथे शाखा आहेत, येथील कोणत्याही शाखेत भेट द्या.


कार्यालयीन वेळ:
सोमवार ते शुक्रवार, सकाळी १० ते संध्याकाळी ६


आमच्या सर्व शाखा पहा