महिला उद्योजकांच्या गरजेनुसार तयार केलेली बँकींग उत्पादने व सेवा ग्रामीण महिलांना सहज उपलब्ध करुन देणे एवढेच आमचे उद्दीष्ट नसून, त्यांना संपन्नतेकडे घेऊन जाणारी एक परस्परसंबंधी यंत्रणा विकसित करण्याचा देखील उद्देश आहे.
महिलांच्या सूक्ष्मस्तरावरील व्यवसायांची आणि विशिष्ट परिस्थितींची आम्हाला मुलभूत पातळीवर जाणीव आहे. यामुळे आमच्या ग्राहकांना सर्वोत्तम सेवा आणि त्यांच्या गरजांनुसार विशेष आखलेली उत्पादने पुरविण्यात आम्हाला मदत होते.
महिलांनी यशस्वी होण्यासाठी व्यावसायिक कौशल्ये आत्मसात करणे व बाजारपेठेपर्यंत पोहोचणे या दोन्ही गोष्टी सारख्याच महत्त्वाच्या असतात. या माध्यमातून आम्ही महिलांना कर्जे, खाती व भरणा रकमांच्या पलीकडे जाऊन मदत करतो.
लहान कर्जे उपलब्ध करुन देणे, हप्ते जमा करणे, तसेच बचत खात्यांमध्ये भरण्याच्या रकमा जमा करणे यांसाठी आम्ही आमच्या ग्राहकांना दररोज / आठवड्यातून एकदा जाऊन भेटतो.
ग्रामीण महिलांच्या रोख रकमेबाबतच्या विशिष्ट गरजांच्या मुलभूत समजांचा आधार घेऊन आम्ही आमची उत्पादने बनवून घेतो.
ग्राहकांच्या खात्यावरील माहितीची गोपनीयता राखली जाते, अशी माही संबंधित खातेदारांव्यातिरिक्त इतर कोणालाही दिली जात नाही.
आमच्या दृष्टीने, पैसे उपलब्ध करुन देणे पुरेसे नाही. आम्ही महिलांना त्यांच्या स्वतःच्या अर्थकारणावर नियंत्रण मिळवण्यास मदत करतो. आमचे आर्थिक आणि डिजिटल साक्षरता कार्यक्रम अगदी हेच लक्षात घेऊन आखण्यात आले आहेत; महिलांचे आर्थिक नियंत्रण आणि गोपनीयता वाढविणे.
एखाद्या कर्जाची मागणी करताना महिलांकडे तारण असण्याची आवश्यकता नाही. त्या जामीनदार म्हणून इतर ४-५ महिलांसोबत एक गट बनवून एकत्रित कर्ज घेऊ शकतात.
आमचे कर्मचारी हे आम्ही सेवा देत असलेल्या समूहामधूनच आलेले असतात. यामुळे आमच्या ग्राहकांना अधिक चांगल्या प्रकारे समजून घेण्यात व त्यांच्या प्रत्येक गरजेचे संपूर्ण समाधान करण्यास आम्हाला मदत होते.
कमी वाचाअधिक वाचा
माणदेशी महिला सहकारी बँक महिला उद्योजकांना वेळेवर, परवडण्यायोग्य आणि व्यवसाय अनुकूल क्रेडिट मिळवून देण्यास समर्पित आहे. आमची उत्पादने जे स्त्रियांच्या सूक्ष्म व्यवसाय आणि विशिष्ट परिस्थतींच्या आमच्या मूलभूत गरजा समजून घेतात.
बँकेत पैसे वाचवणे हे सुरक्षित आहे हे सुनिश्चित करते. केवळ ग्राहकच त्यांचे खाते प्रवेश करू शकतात.
नियोजित कर्ज घेतल्याने ग्राहक त्यांचे व्यवसाय सुधारण्यास आणि उत्पन्नामध्ये वाढ करण्यास मदत करतात.
विमा योजनेमुळे आमच्या उद्योजिकांचे, त्यांच्या कुटुंबांचे आणि त्यांच्या मालमत्तेचे संरक्षण होते.
प्रत्येक व्यवहारासाठी आम्ही आमच्या ग्राहकांना त्यांच्या खात्यासोबत नोंदवलेल्या मोबाईल क्रमांकावर एस.एम.एस.द्वारे सूचित करतो.
आमच्या ग्राहकांना त्यांच्या दारात प्रत्यक्ष वेळेवर बँकिंग सेवा पुरवण्यासाठी आमच्या प्रतिनिधींना अद्ययावत हॅन्डहेल्ड तंत्रज्ञानाने सक्षम करण्यात आले आहे.
बँकेच्या कोणत्याही शाखेतून ग्राहक इतर कोणत्याही बँकेत खाते असणाऱ्या एखाद्या व्यक्तीला एन.ई.एफ.टी. आणि आर.टी.जी.एस. द्वारे पैसे पाठवू शकतात.
माणदेशी महिला सहकारी बँकेच्या आठ शाखांपैकी कोणत्याही शाखेतून ग्राहक आपले खाते वापरु शकतात व त्यावर त्वरित व्यवहार करु शकतात.
चेक जलद गतीने क्लिअर होण्यासाठी आम्ही भारतीय रिझर्व्ह बँकेची चेक ट्रंकेशन सिस्टीम (सी.टी.एस.) वापरतो.
आमच्या सुरक्षित डिपॉझिट लॉकर सेवेद्वारे ग्राहक आपल्या मौल्यवान वस्तू बँकेमध्ये सुरक्षित आणि निश्चिंतपणे ठेऊ शकतात.
आमच्या म्हसवड आणि धायरी शाखांमध्ये प्रत्यक्ष ए.टी.एम. युनिट आहेत. लवकरच माणदेशी महिला सहकारी बँकेच्या सर्व शाखांमध्ये ती उपलब्ध होतील.
ग्राहकांना एक डेबिट कार्ड मिळते ज्यामुळे त्यांना ए.टी.एम.मधून पैसे काढता येतात आणि ई-कॉमर्स व्यापाऱ्यांकडे पेमेंट करता येतात.
फक्त समोरच्या व्यक्तीचा आधार क्रमांक सांगून ग्राहक आपल्या खात्यातून त्यांना पैसे पाठवू शकतात.
ग्राहकांना लवकरच आमचे कलेक्शन प्रतिनिधी वापरत असलेले मोबाईल ऍप वापरायला मिळेल, ज्यातून त्यांना आपली खाती, ठेवी, आणि कर्जे यांचे व्यवस्थापन करता येईल.
आपला व्यवसाय उभा करण्यासाठी व वाढवण्यासाठी सहाय्यभूत ठरतील अशी व्यावहारिक व तांत्रिक उद्योजकीय कौशल्ये आत्मसात करण्यासाठी महिलांना आर्थिक व व्यावसायिक प्रशिक्षण देणाऱ्या २० व्यावसायिक प्रशाला माणदेशी फाउंडेशनमार्फत चालवल्या जातात.
रोख-विरहीत व्यवहारांचा फायदा कसा करुन घ्यायचा व आपले आर्थिक नियंत्रण आणि गोपनीयता कशी वाढवायची हे महिलांना शिकविण्यासाठी आमची डिजिटल साक्षरता बस स्थानिक ग्रामीण साप्ताहिक बाजारांना भेट देते.
आमच्या ग्रामीण महिला सूक्ष्म उद्योजकांना त्यांची उद्दीष्टे साध्य करण्यात कशी मदत करावी हे अधिक चांगल्या प्रकारे समजून घेण्यासाठी आम्ही दर महिन्याला ग्रामीण बाजारात आणि आमच्या कार्यालयांत समूह बैठकांचे आयोजन करतो.
महिलांसाठी आणखी समावेशक वित्तपुरवठ्यासाठी आम्ही नियमितपणे पाठपुरावा करीत असतो. आर्थिक वर्तुळात व आर.बी.आय. सोबत नियमितपणे संपर्कात राहून आम्ही घेतलेले धडे व अनुभव त्यांना कळवतो, तसेच अधिक उपयोगी धोरणे आणि उत्पादने सुचवतो. शून्य शिल्लक खात्यांना मुख्य प्रवाहात आणणे तसेच तारणाशिवाय कर्जांवरील मर्यादा वाढवणे अशा कित्येक यशस्वी प्रयत्नांमध्ये आम्ही आघाडीवर राहिलेलो आहोत.
कमी वाचाअधिक वाचा
महिला उद्योजकांना बँकींगच्या पलीकडे जाऊन मदत करण्यासाठी
माणदेशी फाउंडेशन माणदेशी महिला सहकारी बँक सोबत काम करते.
आमच्या ग्राहकांच्या कथा वाचा
चहा स्टॉलची मालक
वनिता आणि तिच्या कुटुंबाच्या मालकीचा एक छोटासा चहा स्टॉल बाजारात होता. तिच्या कुटुंबासाठी आणि तिच्या तीन मुलींसाठी हा एकमेव उत्पन्न स्रोत होता. तिचा नवरा दारुडा होता आणि तिला चौथी मुलगी झाली तेव्हा त्याने गळफास लावून घेतला. तिच्या नवऱ्याचा आधार नाहीसा झाला तरी आपल्या मुलींचा आधार बनण्याचा तिने निश्चय केला. तिने मोडकळीस आलेल्या चहाच्या स्टॉलचा ताबा घेतला आणि आपल्या व्यवसायास आवश्यक असणाऱ्या पैशाच्या पुरवठ्यासाठी तिने संपर्क केला. माणदेशी महिला सहकारी बँक तिला कर्जाचा प्रस्ताव तयार करण्यात मदत केली आणि तिला निधी पुरवला. आता तिने आपली विक्री दिवसाला ४० कपांवरुन ७० कपांपर्यंत वाढवली आहे. तिचे मासिक उत्पन्न रु. ३,५०० वरुन रु. ९,५०० पर्यंत वाढले आहे. आता एक वडा-पावचा स्टॉल सुरु करण्याचे तिचे नियोजन आहे.
मिरची विक्रेता
साप्ताहिक बाजारात भाजी विकणाऱ्या माझ्या एका मैत्रिणीकडून मला माणदेशी महिला सहकारी बँकेच्या कॅश क्रेडीट सुविधेची माहिती मिळाली. मी स्वतः माहिती शोधली तेव्हा लक्षात आले की कडधान्ये विकून पैसे कमावता येतील. पाच वर्षांपूर्वी मी पहिल्यांदा ₹ २०,००० इतके कर्ज घेतले. तेव्हापासून मी ₹ ४ लाख इतकी रक्कम कर्जाऊ घेतली आहे आणि त्याची परतफेड केली आहे. मी सुरुवातीला गोंधवळ्याच्या बाजारात कडधान्ये विकण्यापासून सुरुवात केली आणि सध्या मी आणखी सहा साप्ताहिक बाजारांमध्ये विक्री करते.
शेतमालक
सविताने शेतमजूर म्हणून सुरुवात केली. औपचारिक शिक्षण घेतलेले नसूनही, माणदेशी महिला सहकारी बँकेच्या प्राप्त झालेल्या लक्षणीय कर्जाच्या मदतीने जमीन खरेदी करणे तिला शक्य झाले. ती आपल्या शेतावर शेळ्या आणि कोंबड्या पाळते. हंगामानुसार विक्री करण्याची फुले आणि भाजीपाला दोन्ही पिकवणारी एकाहून जास्त हरितगृहेदेखील ती चालवते. औपचारिक शिक्षण घेतलेले नसूनही सविताकडे आपले आर्थिक व्यवहार सांभाळण्याची एक नैसर्गिक क्षमता आहे. आपल्या पतीसोबत ती या मोठ्या शेताचे कामकाज चालवते आणि त्याच्या वाढत्या यशाबद्दल तिला अभिमान वाटतो.
माणदेशी महिला सहकारी बँक
म्हसवड, ता. माण, जि. सातारा ,
पिन - ४१५५०९. महाराष्ट्र, भारत
QUICKLINKS
८ शाखा
आम्हीम्हसवड, गोंडावले, वडुज, दहिवाडी, सातारा, लोणंद, धायरी, कामोठे (नवी मुंबई) येथे आहोत. आम्हास भेट द्या
समर्थन
ATM: ९४२१९ ६७३१७
UPI and IMPS: ७०२०२ ४०८३१
