(आकडे ३१ मार्च २०१८ नुसार)
ग्रामीण महिलांना आपले पैसे बचतीत ठेवण्यासाठी एक सुरक्षित जागा म्हणून या बँकेची सुरुवात झाली असली तरी, काळानुसार आम्ही विस्तारत आणि विकसित होत गेलो आहोत. महिलांना त्यांच्या आर्थिक व्यवहारांवर नियंत्रण ठेवता यावे आणि त्यांचे उत्पन्न वाढवता यावे यासाठी मदत करण्यावर आमचा भर राहिला आहे. घरपोच बँकिंग सेवा, इलेक्ट्रॉनिक पासबुक, सूक्ष्म-उद्योगांसाठी कर्जे आणि विमा योजना पुरविणाऱ्या पहिल्या काही बँकांपैकी आम्ही एक होतो. आम्ही नियमितपणे महिलांना परवडणारी कर्ज उत्पादने बनवतो व प्रथमच बाजारात आणतो. महिलांचे व्यवसाय वाढावेत व संपन्न व्हावेत यासाठी मदत करण्याच्या दृष्टीने आम्ही माणदेशी फाउंडेशन सोबतही जवळून काम करतो. खेळत्या भांडवलाच्या कर्जासाठी बँकेकडे येणाऱ्या उद्योजकांना अतिरिक्त व्यावसायिक मदत व प्रशिक्षणासाठी फाउंडेशनतर्फे चालवल्या जाणाऱ्या व्यवसाय प्रशालेचा संदर्भ दिला जातो. त्याचप्रमाणे, व्यवसाय प्रशालांमधून प्रशिक्षण पूर्ण करणाऱ्यांना त्यांचे उद्योग उभे करण्यासाठी आणि त्यांचा विस्तार करण्यासाठी बँकेकडून कर्जे दिली जातात.
सध्या आम्ही महिलांना कॅशलेस बँकिंग समजून घेण्यास, त्याचा वापर करण्यास आणि त्यासोबत जुळवून घेण्यास सक्षम करण्यासाठी प्रयत्नशील आहोत. अद्ययावत तंत्रज्ञानाचा फायदा महिला उद्योजकांना खात्रीशीरपणे मिळावा यासाठी आम्ही सोयीस्कर ठिकाणी प्रतिनिधींमार्फत प्रत्यक्ष त्या-त्या वेळेत डिजिटल बँकींग सेवा पुरवण्यासाठी तयारी करत आहोत.
आंतरराष्ट्रीय इनोव्हेशन पुरस्कार
अल्प-उत्पन्न समूहांना बाजारपेठेवर आधारित धोरणांद्वारे सेवा पुरविणाऱ्या ३८ देशांतील १२८ अर्जदारांमध्ये माणदेशीला प्रथम क्रमांक मिळाला.
ग्लोबल इकॉनॉमिक समिट, २०१७
ऑल इंडीया असोसिएशन ऑफ इंडस्ट्रीज (ए आय ए आय) आणि वर्ल्ड ट्रेड सेंटर (डब्ल्यू टी सी) मुंबई यांच्या सहाव्या ग्लोबल इकॉनॉमिक समिट २०१७ मध्ये माणदेशीच्या सीईओ रेखा कुलकर्णी यांना पुरस्कार प्रदान करण्यात आला.
इंडीयन बँक असोसिएशन
इंडियन बँक असोसिएशनने 'बेस्ट इको-टेक' बँक पुरस्कारासह मान देश बँकेचे गौरव केले.
फेडरेशन ऑफ कोऑपरेटीव्ह बँक्स (महाराष्ट्र), २०१४
वंचित गटातील महिलांना नवीन तंत्रज्ञानाचा वापर करुन वित्तपुरवठा केल्याबद्दल रिझर्व्ह बँकेच्या मुख्य व्यवस्थापक श्रीमती.सुरेखा मरांडी यांच्या हस्ते माणदेशीला पुरस्कार देण्यात आला.